Kulturpreis der Stadt Cham - CHAMpion 2010

Gemeinde Cham ehrt Vorbilder

Am Mittwoch 19. Mai 2010 ehrte die Gemeinde Cham bereits zum dritten Mal Personen und Organisationen für ihre besonderen Verdienste und Leistungen in den Bereichen Sport, Kultur, Wirtschaft, Soziales, Event und Natur / Umwelt / öffentlicher Raum.
An diesem spannenden und kurzweiligen, von der Zuger Radiojournalistin Silja Husar moderierten Ehrungsanlass wurden die Geehrten und deren Schaffen vorgestellt. Die Mitglieder des Gemeinderates überreichten den CHAMpion, welcher von Rolf Grönquist eigens für diesen Anlass kreiert wurde, an folgende Personen und Organisationen:

[...] Kultur: Volksbühne Cham [...]
 

Laudatio für die Volksbühne Cham von Doris Baumann als Vertreterin des RZV

Liebi Chamerinne und Chamer

Wenn’s im Saal dunkel wird und langsam au ruig, wenn de Spannig stigt und d’ Schinwärfer a
gönd, … de stecked mir zmitzt i de Arbet vo dere wo ni jetzt noning säge.

D’ Gwünneri i de Sparte Kultur gits sit 1981. Im zarte Alter vo ned emal eim Jahr hed sie ihre
erscht Uftritt gah, da z’Cham im Pfarreiheim. Vo denn a isch sie eigentlich jedes Jahr und uf
de Bühni gsi. Ned nume uf verschidene hie z’Cham, sondern zum Bispiel au z’Aarau.

Ich ha sie vor füf Jahr hie i däm Saal dörfe känne lerne. Und ich bi begeistered gsi. Will sie
beherrscht ned nur s’eigete Metie usgezeichnet. Sondern au d’Organisation vo üsere
Jahresversammlig isch en tadellosi Arbet gsi, Vo de Begrüessig bis zum unterhaltsame
Abigprogramm, wo sie de au no sälber uf d’Bühni bracht hed.

Sithär bini no es paar Mal da z’Cham z’Gascht gsi, im Restaurant Chrüz. Es isch ame
spannend gsi, verblüffend, turbulänt, aber au zum Stuune und Nachedänke, me hed chönne
schmunzle, und mängisch luut uselache, wie Sie gschätzti Awäsendi sicher ja au.

De Lohn für die Geehrti isch de Applaus, und hüt die Statue.
De Pris gaht ned a ei Frau oder ei Maa.
De CHAMpion 2010 i de Sparte Kultur gaht ad Fraue und Manne vo de Volksbühni Cham.

D’ Volksbühni Cham macht sich verdient i de Gsundheitsförderig, will Lache isch meh als nur gsund.
D’ Volksbühni Cham macht sich verdient i sinnvoller Freizytbeschäftigung.
D’ Volksbühni Cham macht sich verdient als Kulturschaffendi wo s’Gmeindsläbe mit ihrem Theaterspiel berichered.